25 сакавіка ў Мінску на плошчы каля Вялікага тэатра оперы і балета адбудзецца маштабны фестываль да 100-годдзя абвяшчэння незалежнасці Беларускай Народнай Рэспублікі “Свята Незалежнасці”. Мерапрыемства афіцыйна дазволена Мінгарвыканкамам.

Аргкамітэт кампаніі #БНР100 правёў вялікую падрыхтоўчую працу і 15 сакавіка, за 10 дзён да свята, прэзентуе на Naviny.by папярэднюю праграму і афішу мерапрыемства.

Падрабязная і канчатковая праграма “Свята Незалежнасці” з мапай фестывалю будуць апублікаваныя за некалькі дзён да юбілейнай даты і будзе распаўсюджвацца валанцёрамі разам з іншай прома-прадукцыяй да 100-годдзя БНР падчас мерапрыемства.


25 сакавіка а 13-й гадзіне пачатак Урачыстага збору. З гэтага часу на галоўнай сцэне Свята пачнецца музычная праграма з выступамі гуртоў “Мутнаевока” і Amaroka.

Паралельна на тэрыторыі фестывалю распачнуць працу тэматычныя пляцоўкі:

♦ пляцоўка “Вуліца БНР” з прэзентацыйнымі стэндамі і зонамі актыўнасцяў ад творчых, культурніцкіх, грамадскіх і палітычных арганізацый краіны;

♦ пляцоўка “Ежа БНР” з кропкамі харчавання, дэгустацыйнымі стэндамі, фуд-кортамі і беларускімі стравамі;

♦ пляцоўка “Кірмаш БНР” з сувенірамі і падарункамі ў нацыянальным стылі, беларускамоўнай літаратурай і настольнымі гульнямі, прэзентацыяй разнастайнай прадукцыі да 100-годдзя БНР;

♦ пляцоўка “Дзеткі БНР” з адукацыйна-забаўляльнымі заняткамі для дзетак, гульнямі і аквагрымам у нацыянальным стылі.


А 14-й гадзіне пачнецца ўрачыстае адкрыццё “Свята Незалежнасці”, якое правядуць легендарная дыктарка беларускага тэлебачання Зінаіда Бандарэнка і вядучы тэлеканалу “Белсат” Усевалад Сцебурака.

У межах урачыстай часткі запланаваныя выступы запрошаных гасцей свята, зачытванне 3-й Устаўной граматы, тэатральна-музычная праграма з удзелам актораў “Свабоднага тэатра” і музыкаў. Спявачка Таццяна Грыневіч і мужчынскі хор Headspring выканаюць нацыянальныя гімны беларусаў “Мы выйдзем шчыльнымі радамі”, “Магутны Божа” і “Пагоня”.

З 15:00 да 19:00 на галоўнай сцэне Свята запланаваныя выступы Ігара Варашкевіча і гурта “Крама”, Касі Камоцкай з песнямі гурта “Новае Неба”, Пятра Клюева з беларускамоўнымі хітамі XXI стагоддзя, лідара гурта “Дай Дарогу!” Юрыя Стыльскага, папулярных гуртоў Akute, “РСП”, Dzieciuki. Выступы яшчэ некалькіх вядомых гуртоў будуць аб’яўленыя за некалькі дзён да 25 сакавіка.

Весці музычна-забаўляльную частку свята будуць акторы “Свабоднага тэатра” Аляксей Сапрыкін і Юлія Шаўчук.

У межах Свята на галоўнай сцэне таксама адбудуцца:

♦ анлайн-прэзентацыя песні Лявона Вольскага да 100-годдзя абвяшчэння незалежнасці Беларускай Народнай Рэспублікі;

♦ Спеўны сход з Сяржуком Доўгушавым з праграмай “Песні і гімны БНР”;

♦ розыгрыш падарункаў ад генеральнага партнёра свята — беларускай інфармацыйнай кампаніі БелаПАН, ад афіцыйных спонсараў: кампаніі “Цесляры”, гульнявой прасторы Quvalda, каталога беларускамоўнага бізнесу і паслугаў “Свае.бел”, крамы “Мой модны кут”, Мінскага гадзіннікавага завода “Луч”;

♦ віншавальныя выступы ад вядомых і паважаных беларусаў ды прадстаўнікоў арганізатараў свята: Партыі БНФ, руху “За Свабоду”, установы “Амарока” (Арт Сядзібы), Аб’яднанай грамадзянскай партыі і Беларускай сацыял-дэмакратычнай партыі (Грамады).

Галоўная пляцоўка фестывалю будзе абсталяваная вялікімі экранамі з трансляваннем выступаў гасцей і музыкаў на сцэне, відэа-віншаваннямі ад паважаных беларусаў з усяго свету, праектаваннем тэкстаў песень падчас “Спеўнага сходу” ды іншай святочнай візуалізацыяй.

Уваход на мерапрыемства вольны. Набыць сімвалічны квіток і падтрымаць падрыхтоўку “Свята Незалежнасці” варта на Talaka.by.

► Фірмовы стыль Свята і 100-годдзя БНР можна спампаваць тут.

► Афіцыйны сайт мерапрыемства: bnr100.by.

► Падзеі ў сацыяльных сетках — VKFB.

Дата правядзення: 25 сакавіка 2018 года.

Месца: плошча Парыжскай Камуны, 1 (пляцоўка каля Вялікага тэатра оперы і балета).

Час мерапрыемства: 13:00 — 19:00.

Выкарыстанне нацыянальнай сімволікі Беларусі і гістарычнай сімволікі БНР узгодненыя з Мінгарвыканкамам і ГУУС.

Увага, у праграме магчымыя змены!

Дазвол Мінгарвыканкама аб правядзенні масавага мерапрыемства
№ 1/2-22/1935 ад 01.03.2018.

Добавить комментарий

Ваш e-mail не будет опубликован.

По теме

Более 20 иностранцев выдворили из страны во время акции “Нелегал” в Минске

Более 20 зарубежных граждан выслали из нашей страны во время оперативно-профилактического мероприятия…

Лукашенко рассказал об успехах белорусской медицины

Белорусские врачи выполняют самые высокотехнологичные операции, в том числе те, которые являются…

Экс-редактор “СБ”: в Куропатах всё шло хорошо, пока не вмешался “генштаб”

Бывший главный редактор главной официальной газеты “СБ. Беларусь сегодня” Павел Якубович раскритиковал снос крестов…

Шуневич выступил за идеологическую составляющую в работе спецслужб

Нельзя допустить образования идеологического вакуума в силовых ведомствах. Такое мнение высказал министр…

Россия добивается права не признавать ветсертификаты из Беларуси

Россия хочет отменить решение ЕЭК, обязывающее ее не закрывать свой рынок для…

В Беларуси вновь могут появиться «народные контролеры»

В Беларуси может вновь появиться движение народного контроля. Об этом сегодня рассказал…

Лукашенко отменил указ о лжепредпринимательстве

В Беларуси отменен указ № 488 «О некоторых мерах по предупреждению незаконной…

«Минсктранс» получит 328 новых автобусов и 60 электробусов к Евроиграм

К началу Евроигр (21 июня 2019-го) в Минске появится 60 новых электробусов…

В Беларуси хотят запретить одноразовую посуду и упаковку

Беларусь предлагает запретить использование неперерабатываемой одноразовой упаковки в Евразийском экономическом союзе (ЕАЭС),…

Больше половины подвижного состава в Минске подлежит списанию

В парк подвижного состава «Минсктранса» в преддверии II Европейских игр поступит 60…