1 сакавіка ў Жодзіна адбыўся рэгіянальны фінал рэспубліканскага конкурсу «Чытаем па-беларуску з velcom». У ім спаборнічалі лепшыя чытальнікі з Мінскай вобласці па выніках першага этапу конкурсу. Яны выканалі творы беларускіх аўтараў. 5 пераможцаў рэгіянальнага этапу ўзнагароджаны смартфонамі і будуць прадстаўляць Міншчыну ў вялікім рэспубліканскім фінале конкурсу, які адбудзецца ў траўні, паведамiла SPEKTR.BY каардынатар праекта Таісія Пажогінай.

Фота: Таісія Пажогінай

Удзельнікамі праекта «Чытаем па-беларуску з velcom» у гэтым сезоне сталі вучні 7-8 класаў школ і гімназій з усёй Беларусі. На працягу 2 месяцаў рабяты запісвалі відэа, на якіх чыталі творы беларускай літаратуры і выкладвалі іх на свае асабістыя старонкі ў сацыяльных сетках. Школьнікі з усёй Беларусі даслалі на конкурс 2048 відэа агульнай працягласцю больш за 45 гадзін. Па выніках першага этапу журы вызначыла па 30 лепшых чытальнікаў з кожнай вобласці і горада Мінска. З Мінскай вобласці на конкурс паступіла 280 відэапрац.

Фота: Таісія Пажогінай

Рэгіянальны фінал у Жодзіна прайшоў у школе №5. Галоўнае, што ацэньвала журы – выразнае і чыстае выкананне твора. Дадатковы напал спаборніцтва надаваў ліміт па працягласці выступу для кожнага ўдзельніка – да 2 хвілін. У склад журы ўвайшлі паэт і пісьменнік Уладзімір Ліпскі, пісьменніца Раіса Баравікова, акцёр і тэлевядучы Юрый Жыгамонт, кіраўнік групы па карпаратыўнай сацыяльнай адказнасці кампаніі velcom Віктар Пазнякоў, прадстаўнік Мінскага абласнога інстытута адукацыі Гуліцкая Таццяна Пятроўна. Спецыяльна запрошаным членам журы стаў прэс-сакратар жодзінскага футбольнага клуба «Тарпеда-БелАЗ» Сяргей Пузанкевіч.

Фота: Таісія Пажогінай

«Вы, усе ўдзельнікі конкурсу, робіце вельмі важную справу, а менавіта захоўваеце наш родную беларускую мову. Мне вельмі прыемна было сёння быць членам журы, і хачу сказаць, што кожны з вас ужо пераможца. Таму што ў кожным жыве велізарны талент і любоў да беларускай культуры. У сваю чаргу хачу адзначыць, што ў нашым футбольным клубе ўсе матчы таксама суправаджаюцца каментарамі на роднай мове», – зазначыў Сяргей Пузанкевіч.

Фота: Таісія Пажогінай

Пераможцамі рэгіянальнага фіналу ў Жодзіна сталі 5 канкурсантаў: Ангеліна Прычынец (Рубяжэвіцкая сярэдняя школа), Дыяна Шпілеўская (Азярцоўская сярэдняя школа), Уладзіслаў Печурэнка (Клецкая сярэдняя школа №1), Ганна Давыдава (гімназія №1 г. Старыя Дарогі), АлінаПрыгава (сярэдняя школа №3 г. Крупкі). Пераможцы ўзнагароджаны смартфонамі і запрошаны на рэспубліканскі фінал конкурсу.

Фота: Таісія Пажогінай

Юрый Жыгамонт так пракаментаваў выступленні ўдзельнікаў з Мінскай вобласці: «Быць членам журы конкурсу «Чытаем па-беларуску з velcom» – задача не з простых. Прыходзіцца абіраць усяго толькі 5 хлопчыкаў і дзяўчынак з 30 вельмі таленавітых канкурсантаў. Мяне захапляюць выступленні ўдзельнікаў сваёй шчырасцю і артыстызмам. Жадаю поспехаў кожнаму з іх. І не варта забываць, што кожны, хто стаіць сёння на гэтай сцэне, здолеў стаць лепшым з больш чым 2000 удзельнікаў з усёй Беларусі».

У рамках другога этапу конкурсу «Чытаем па-беларуску з velcom» пройдуць яшчэ 4 рэгіянальныя фіналы. Графік правядзення мерапрыемстваў: Віцебск – 15 сакавіка, Магілёў – 20 сакавіка, Гомель – 10 красавіка, Гродна – 25 красавіка. Рэспубліканскі фінал конкурсу адбудзецца ў траўні ў Мінску. Пяці лепшым юным чытальнікам краіны па яго выніках будуць уручаны смартфоны маркі Apple.

Фота: Таісія Пажогінай

 

 

Добавить комментарий

Ваш адрес email не будет опубликован.

По теме

Фотожурналистов Васюковича и Гридина осудили «просто так» на 11 суток

В Беларуси задерживают не только людей, которые ходят на забастовки, чтобы отстоять…

“Два воинствующих лагеря”. Какой сценарий развития ждет Беларусь при Лукашенко

Обстановка в Беларуси не перестает оставаться главной темой обсуждения для мировой общественности.…

Зеленский спрогнозировал Майдан для Беларуси

Украинский президент Владимир Зеленский спрогнозировал будущее Беларуси. Политик не отрицает и пути…

МВД: белорусы высылают милиции фото своих гениталий

Начальника Минского областного управления МВД Беларуси Владислав Алейников рассказал, что люди начали…

Белорусы обчистили банки на сумму более $181 млн

10 сентября появилась информация о том, что белорусы обчистили «банки» на сумму…

МВФ не даст денег  Беларуси  

МВФ  наотрез отказал Беларуси в экстренной финансовой помощи. Официальный представитель Фонда Джерри…

Романчук: «Лукашенко принял Беларусь без долгов, а по итогу уронил ее в долговую яму»

Известный белорусский экономист, в очередной раз, прокомментировал экономическую ситуацию в Беларуси. На…

Встреча Лукашенко и Путина состоится 14 сентября

Появилась официальная информация о встрече президентов России и Беларуси. В Кремле сообщили,…

Польша будет поставлять в Беларусь нефть

11 сентября появилась информация о том, что Польша согласилась поставлять в Беларусь…

Лукашенко называл нелегитимность выборов в Беларуси мифом

16 сентября прошла встреча политического актива Беларуси с президентом. В ходе встречи…